هاااي شخباركم
انة اليوم جبت لكم موضوع عن البنات وبيتكلم عن **البنت الناعمة والبنت العربجية**
اول شيء البنت الناعمة شسوي ((النوم))
البنت الناعمه
(يااااي)
طبعاً هذي البنت وهي نايمه في غرفتها الدبدوب والارنوب كلهم في احضانها واذا قامت من النوم ماتقوم الا الساعه وحده الظهر واللي تقعدها من النوم الشغاله طبعاً تكلمها بالانجليزي بس بترجم لكم وش قالت لها الشغاله تقول قومي ماما وقت واجد تأخير
والناعمه اول ماتصحى من النوم تفتح الستاره والشباك علشان الغرفه تتنفس
وتأكل الفطور اللي يكون عباره عن دونت وعصير برتقال
وثاني شيء البنت العربجية ((النوم))
لبنت العربجيه
(ايوه قويه )
تقوم الساعه 8 وهي ماودها تقوم وتدخل امها عليها بالغرفه وتصرخ عليها قومي شبعتي نوم ترد العربجيه على امها.... زين زين اللحين بقعد وتقعد تأفففف ويطلع من فمها نار... وبالإضافه الى انها وهي نايمه كل دقيقه تطيح من السرير... وبعدين يدخل اخوها الصغير ويصرخ وجع يالله كفايه نوم
ترد عليه : اطلع من الغرفه وإلا ارميك من النافذه اللحين.... المهم اخوها اللي اكبر منها يروح لها الغرفه يرفسها وبعد تلك الرفسه العنيفه تصحى من النوم
البنت الناعمة عند ((وجبة الغذاء))
ماتتغدى إلا الساعه 4 او 5 العصر ولا تتغدى الا على رز ابيض مسلوق وسلطه تحافظ على رشاقتها
البنت العربجية عند((وجبة الغذاء))
تتغدى الساعه 12 الظهر بالضبط ولا تتغدى إلا كبسه لحم او دجاج واذا خلصت تشرب البيبسي شربه واحده يعني مافي مجال تتنفس... وماتسمع إلا اصوات مخيفه ععععععععععععاع
البنت الناعمة عند((اذا تضحك))
اذا تبي تضحك تقول (هههههه) ويدها على فمها من الخجل والضحكه من الصعب انك تسمعها
البنت العربجية عند(( الضحك))
تسمعها هاع هاع هاع هاع هاع هاع هاع
البنت الناعمة عند((مشاهدة التلفزيون))
لما تتفرج على التلفزيون تقعد على الكرسي وتحط رجل على رجل وتبتسم لإن الابتسامه تضفي بشاشه على الوجه
البنت العربجية عند((مشاهدة التلفزيون))
تنسدح على الارض وتحط رأسها على المخده وتمد رجلها وتحطها على التلفزيون واذا تبي تغير القناه دقت التلفزيون باصبع رجلها وغيرت القناه
واخير شيء البنت الناعمة
في نهاية الموضوع تقولكم تشاو ..او سي يو .. او بباي
البنت العربجية
في نهاية الموضوع تقولكم ها عجبكم الموضوع اااااااي افكر بعد ماعجبكم
ههههههههههههههاي
وبس كمل الموضوع
وتمنى يعجبكم
