يا رفيف الماء .. وفجر العيـد .. وأحـزان المؤآني
يا أكثر أهل الأرض طيبـة قلـب .. وأسـرار دفينـه
المكـان اللـي هنـا .. مليـان ضحكـات ، وأغاني
والكـلام اللـي بغيـت أقـول .. يحتـاج لـ سكينـه !
شوفي الركـن البعيـد هنـاك .. كنـه صـدر حاني
هـذا هـو اللـي يليـق بـ شاعـر وبنـت حزينـه ..!
أنسـي الشـارع ، وعتمـات الزوايـا ,, والمبـاني
هاتـي يدينـك نلـف الغـيـم ونشـكـل مديـنـه !!
عنـدي الليلـة كـلام وصمـت .. وأخـاف الثواني
تظلمه .. أو تظلـم اللـي فيـه كـم ضاعـت سنينـه
بـس لازم تسمعـيـن الـلي أبي ولا تـرآني
لو بـ أعيده لك .. نسيت .. ورحت أقول اللي تبينـه
شي واحد قبل ما أبـدأ .. مـا أبي أي شئ ثاني
يخطر فـ بالك .. وأنا أكشف لـك شعـور تجهلينـه !
إن أنا .. وبكـل مـا تحملـه " أحبـك " مـن معاني
كنت ,, وراح أبقى أحبك .. لين .. مدري وش هو لينه !!
بـس والله ماقـدرت أنسـى .. ولا همي نسـاني
لا ذكـرت إنسـان .. فيـه أسـرار مابينـك وبينـه
كـل مـا تطـري علـي فكـرة هــواك الأولاني
أشعـر إنـي أنطعـن مليـون مـره مـن يديـنـه ..!
أشعـر إن عيونـك.. الله مـا خلقهـا إلا عشـاني
كيف كانت تبتسـم لـه .. قولـي إنـك تخدعينـه !!
صورة إنـه كـان يمسـح دمعـك .. تزلـزل كياني
وكيف كـان يلـم شعـرك .. ويتبعثـر في يمينـه
حتى اسمـك يـوم رحـت أدللـه .. حظي رماني
بنفس الاسم اللي يقول .. بذمتـك ماهـي غبينـه ..!
وكني اللي .. كـل مـا أناديـك بالاسـم الفلاني
أطلـب النسيـان .. يتـرك منـه شـي تذكرينـه !!
لا تظنيني أناني .. لـآ .. أنـا مـآنيب أنـاني
لو سلمت من الغرق . بأمـوت فـي ظهـر السفينـه ..!
يا إني ما أكمـل وأعاني .. أو أكمـل ثـم أعاني
كل ما اسمع طاري اسمه .. أو تجي عيني في عينـه ..!
أينا كـان الضحيـه .. وأينـا اللـي كـان جـآني ..!
مـدري ..
ولكـن قـراري لازم إنـك تقبليـنـه ..~
مثـل مـا أكـره فكـرة إنـه واحـدٍ ياخـذ مكاني
ما أقدر أجلس في مكـان إنسـان .. كنتِ تعشقينـه ..!
ممــ رآآآقـ لــيـ ـــا
